Monsoon rain in Andaman भारतीय हवामान खात्याच्या नुकत्याच प्रकाशित झालेल्या अपडेटनुसार, नैऋत्य मान्सून हा पुढील ४८ तासांतच दक्षिण अंदमान समुद्र, आग्नेय बंगालच्या उपसागराचा काही भाग आणि निकोबार बेटांवर दाखल होण्याची दाट शक्यता आहे.
गेल्या अनेक वर्षांपासून मान्सून १ जूनच्या सुमारास केरळमध्ये दाखल होत असला तरी, या वर्षी तो नेहमीपेक्षा एक दिवस आधी म्हणजे ३१ मेला केरळमध्ये आगमन करण्याची शक्यता वर्तविण्यात आली आहे.
प्रगती अपेक्षित
हे पण वाचा:
येत्या ४८ तासात या १३ जिल्ह्याना मुसळधार पाऊसाची शक्यता पंजाबराव डख यांचा मोठा अंदाज Chance of heavy rain
हवामान खात्याच्या अंदाजानुसार, २२ मे दरम्यान बंगालच्या उपसागरात कमी दाबाचे क्षेत्र तयार होण्याची शक्यता आहे आणि हे क्षेत्र सुरुवातीला हळूहळू ईशान्येकडे सरकेल. तर शुक्रवार २४ मेच्या सुमारास बंगालच्या उपसागराच्या मध्यवर्ती भागांवर दबाव निर्माण होण्याची अपेक्षा आहे. नैऋत्य मान्सूनची ही क्रमिक प्रगती देशभरातील वातावरणावर लक्षणीय प्रभाव पाडेल.
दमदार पाऊस अपेक्षित
या वर्षी मान्सून दमदार असण्याची शक्यता वर्तविण्यात आली आहे. सरासरी पाऊस १०६ टक्के असण्याचा अंदाज आहे. गेल्या काही वर्षांत ‘ला निना’ प्रभावामुळे मान्सून धो-धोपट बरसला होता. त्याच धर्तीवर या वर्षीही ‘ला निना’ परतण्याची शक्यता वर्तविण्यात आली आहे. त्यामुळे यावर्षीही धोधोपट मुसळधार पावसाची अपेक्षा केली जात आहे.
केरळ व दक्षिण राज्यांत अतिवृष्टी
केरळ व दक्षिणेतील इतर राज्यांनाही पुढील काही दिवसांत अतिवृष्टीचा सामना करावा लागण्याची शक्यता आहे. भारतीय दक्षिण द्वीपकल्पीय प्रदेशातील बहुतांश राज्यांमध्ये १९ मे ते २१ मेदरम्यान मुसळधार ते अतिमुसळधार पावसाचा इशारा दिला आहे. तर दक्षिणेतील तमिळनाडू आणि केरळमध्ये यादरम्यान अत्यंत मुसळधार पाऊस पडण्याची भीती व्यक्त करण्यात आली आहे. या प्रदेशातील नागरिकांनी स्वत:ची काळजी घेणे अत्यावश्यक आहे.
नागरिकांना सतर्क राहण्याचा इशारा
हे पण वाचा:
शेतकऱ्यांनो जुलै महिन्यात या तारखे पासून पाऊसाचा जोर वाढणार पंजाबराव डख यांचा अंदाज rain will increase
नगरपालिका प्रशासन आणि सार्वजनिक यंत्रणांनी सतर्क राहण्याची गरज असून नागरिकांनीही सावधगिरी बाळगणे आवश्यक आहे. पावसामुळे जीवित हानी टाळण्यासाठी शासकीय यंत्रणांना सहकार्य करणे जरुरीचे असून नागरिकांनी पावसाळ्यात शहरात रस्त्यावरून जास्त प्रवास टाळावा आणि नद्यांपासून दूर राहावे. अशा सावधगिरीनेच मोठी आपत्ती टाळता येईल.
मान्सूनचा पाऊस भारतीय शेतीसाठी अत्यावश्यक असतो. त्यामुळे पिकांच्या यशस्वितेसाठी दमदार पाऊस असणे महत्त्वाचे असल्याने शेतकऱ्यांच्या दृष्टीनेही हा पाऊस फायद्याचा ठरेल. तसेच पाण्याच्या साठ्यांवर याची सकारात्मक अशी परिणाम दिसून येतील. एकंदरीतच या मान्सूनमुळे भारताला विविध क्षेत्रांत फायदा होणार आहे.
