मान्सूनने व्यापला संपूर्ण देश, राज्यातील या जिल्ह्यांना मुसळधार पावसाचा इशारा heavy rain

व्हाट्सअप ग्रुप Join Now

heavy rain नैऋत्य मान्सूनने अखेर संपूर्ण भारत व्यापला असून महाराष्ट्रात पावसाचा जोर वाढणार असल्याचे चित्र स्पष्ट होत आहे. हवामान विभागाने दिलेल्या माहितीनुसार, राज्यात येत्या काही दिवसांत मध्यम ते जोरदार पावसाची शक्यता वर्तवली आहे. विशेषतः कोकण आणि घाटमाथ्यावर मुसळधार पावसाचा अंदाज वर्तवण्यात आला आहे. या पार्श्वभूमीवर राज्यातील विविध भागांमध्ये पावसाची स्थिती कशी असेल, याचा आढावा घेऊयात.

संपूर्ण देशात मान्सूनचे आगमन

2 जुलै रोजी हवामान विभागाने केलेल्या अधिकृत घोषणेनुसार, नैऋत्य मान्सूनने भारतातील संपूर्ण भाग व्यापला आहे. मागील अनेक दिवसांपासून उत्तर भारतातील बहुतांश राज्यांना दमदार पावसाची तसेच मान्सूनच्या आगमनाची प्रतीक्षा होती, जी आता पूर्ण झाली आहे. उत्तर भारतातील अनेक राज्यांमध्ये मुसळधार पाऊस होत असताना महाराष्ट्रात मात्र ऊन-पावसाचा खेळ सुरू असल्याचे चित्र पाहायला मिळत आहे.

महाराष्ट्रातील पावसाची स्थिती

राज्यातील कोकण आणि घाटमाथ्यावर मुसळधार पाऊस होत असून इतर विभागांमध्ये अखंडित स्वरूपात पाऊस कोसळत आहे. विशेषतः कोकणातील काही जिल्ह्यांमध्ये जोरदार ते मुसळधार पावसाचा इशारा देण्यात आला आहे. या पार्श्वभूमीवर राज्यातील प्रमुख शहरांमधील पावसाची स्थिती पाहूयात.

मुंबईतील पावसाचा अंदाज

मुंबईमध्ये मागील 24 तासांमध्ये मध्यम स्वरूपाच्या पावसाची नोंद करण्यात आली आहे. पुढील 24 तासांसाठी मुंबईमधील आकाश ढगाळ राहून मध्यम ते जोरदार पावसाची शक्यता वर्तवण्यात आली आहे. तसेच कमाल तापमान 33°C तर किमान तापमान 25°C इतके राहील अशी शक्यता आहे.

पुण्यातील पावसाचा अंदाज

पुण्यामध्ये पुढील तीन ते चार दिवस आकाश ढगाळ राहून मध्यम स्वरूपाच्या पावसाचा इशारा हवामान विभागाने दिला आहे. पुण्याबरोबरच आसपासच्या जिल्ह्यांमध्ये देखील मध्यम ते जोरदार पाऊस होऊ शकतो.